cartazgarbancita

Manifesto realizado polo consello reitor da cooperativa A garbancita ecológica, campaña do día internacional para a alimentación Agroecolóxica 2017

O (des)Orde Alimentaria Internacional está rexido pola Industrialización, Mercantilización e Globalización dos alimentos. Cousas que na súa natureza non son mercadorías como a fertilidade da terra, a auga, o aire, a biodiversidade, as sementes, o traballo, a saúde, a sabedoría campesiña, a cultura alimentaria dos pobos e o benestar humano, son tratadas  como mercadorías e sometidas ao beneficio privado de grandes corporacións mercantís, mesmo coa axuda de Institucións, Leis e Políticas que aparentan defendelas.

Esta desorde alimentaria produce mercadorías para os mercados internacionais en lugar de alimentos para os pobos.  Converte a l@s campesin@s en empresari@s agrícolas dependentes de subvencións que premian a contaminación e a destrución de recursos ecolóxico-alimentarios autóctonos en prol dunha irracionalidad competitiva nunha fuxida cara a adiante destruíndoo todo.

A alimentación globalizada, enteiramente capitalista, resplandece dunha triunfal calamidade. A utilización demagóxica dos incrementos na produción de alimentos debidos á "Revolución Verde" oculta os verdadeiros resultados da industrialización agroalimentaria: a) un irredutible 15% da poboación mundial  desnutrida por falta de alimentos e unha maioría de poboación nos países desenvolvidos malnutrida por exceso e toxicidade da alimentación procesada e pola crecente dificultade de acceso a unha alimentación saudable, fresca, de tempada e proximidade; b) redución da biodiversidade, erosión e empobrecimiento dos chans e contaminación dos ecosistemas; c) crecemento das enfermidades alimentarias (obesidade, diabetes, cardiopatías, enfermidades autoinmunes, cancro, etc.); d) destrución de emprego rural, vaciamiento do campo e migracións forzosas; e) desaparición da cultura campesiña; f) substitución da dieta mediterránea de tempada abundante en froitas, verduras, cereais integrais e legumes por outra globalizada con exceso de carne, fariñas e azucres refinados, graxas trans; g) externalización dos custos naturais, sociais, territoriais e culturais dos seus alimentos baratos e insanos, cargándoos á saúde da poboación, o equilibrio territorial, o medio ambiente e o erario público; h) imposibilidade de aplicar o Principio de Precaución, a Seguridade Alimentaria dos ciudadan@s e a Soberanía Alimentaria dos pobos.

Crece a pegada ecolóxica: déficit entre recursos naturais consumidos polo modelo alimentario dominante e capacidade da natureza para repolos. E tamén a brecha metabólica: co despoboamento do campo e o crecemento urbano aumenta a distancia entre produción e consumo de alimentos. Millóns de persoas consomen alimentos que veñen de moi lonxe co consecuente aumento do transporte, gasto de combustibles fósiles e produción de gases de efecto invernadoiro que fomentan o cambio e a radicalización dos fenómenos climáticos. Simultaneamente, excretan feces e producen residuos nun mesmo territorio que, ao non separarse debidamente, impiden o aproveitamento de restos orgánicos para a súa compostaxe e fertilización do chan.  Este modelo dificulta o peche do circuíto materia-enerxía na actividade agraria e imposibilita a economía circular baseada en reducir, reutilizar, reciclar e non incinerar.

Fronte aos danos deste sistema álzase a Agroecoloxía como un modelo de alimentación sustentable, saudable e respectuoso coa natureza, as identidades culturais, os dereitos humanos e a igualdade de xénero. Podemos definir a Agroecoloxía como un modo de produción agrosilvopascicultural que practica  técnicas agronómicas ecolóxicas e ten en conta o territorio, a biodiversidade, a cultura campesiña, o emprego, os circuítos curtos de comercialización e consumo e a responsabilidade compartida entre o campo e a cidade.

O Sistema Alimentario é un proceso global no que cada eslabón forma parte dunha única cadea na que desempeña o dobre papel de premisa do eslabón seguinte e resultado do  anterior. Non se pode falar de Agroecoloxía aludindo só á produción de alimentos e reducíndoa a técnicas agronómicas sustentables. Simétricamente, tampouco se pode falar de Consumo Responsable sen contar cunha Produción Agroecolóxica, que é algo máis que Agricultura Ecolóxica (conxunto de técnicas e manejos agronómicos que exclúen transxénicos e química de síntese, contan cos coñecementos campesiños tradicionais e cumpren unhas normas de certificación oficial).

A Alimentación industrial e o Consumo irresponsable han crecido á conta da Agroecoloxía campesiña e os modelos alimentarios tradicionais de distribución e consumo. A verdadeira alimentación sustentable, saudable, xusta e solidaria é a Alimentación Agroecolóxica que, ademais dos atributos da Agricultura Ecolóxica incorpora outras determinacións:  tempada, proximidade, cultivo en terra fértil respectando a biodiversidade e o patrimonio bioxenético, recolección coa máxima vitalidade no seu punto óptimo de maduración, igualdade entre homes e mulleres, emprego digno e canles apropiadas de distribución.

O consumo responsable debe apostar pola Agroecología fronte á Agricultura convencional pero tamén ante unha Agricultura Ecolóxica cada vez máis penetrada polas mesmas multinacionais da Agricultura Industrial e a distribución globalizada. Para iso hai que distinguir entre valor dos alimentos (as súas propiedades nutritivas, ecolóxicas, económicas, territoriais, sociais, culturais e éticas) e prezo (expresión monetaria da mercadoría alimentaria). O prezo xusto debe ser para todos os eslabons da cadea de alimentación agroecolóxica: consumidor@s, productor@s, transformador@s, artesan@s, logistas e transportistas. A Alimentación Agroecolóxica non compite en prezo sino en valores: calidade, cantidade, variedade, biodiversidade, vitalidade, nutrición, coidados, confianza, cooperación, lealdade, innovación, emprendemento e servizo.

O emprendemento social agroecolóxico debe manterse o máis lonxe posible de favores procedentes dos poderes político-económicos e as súas fundacións. A maior forza produtiva da Alimentación Agroecolóxica é a educación, a participación e a cooperación dos seus actores principais. A Educación Alimentaria Agroecológixa, sobre todo na escola, é a principal ferramenta para abrirnos camiño en prol da seguridade e a soberanía alimentaria. Sen cultura alimentaria e nutricional non podemos entender a necesidade dunha verdadeira alimentación agroecológica e asumir as tarefas consecuentes.

fotowwf

Pasar uns cantos días axudando nunha leira ecolóxica é unha oportunidade única para descubrir mundo e conectar coa terra. Coa rede WWOOF podemos practicar un turismo consciente.
WWOOF son as siglas de World Wide Opportunities on Organic Farms: oportunidades en todo o mundo en leiras ecolóxicas. É unha rede de intercambio entre leiras do mundo agroecológico (anfitriones) que necesitan axuda física e persoas voluntarias (wwoofers) que queren aprender sobre cultivo ecolóxico. A miúdo o wwoofing faise durante as vacacións, pero non sempre ten que ser así. Os anfitriones comparten cos wwoofers aloxamento e comida, e ensínanlles e desenvolven actividades típicas do mundo rural con eles. Aínda que, en xeral, quen máis formación esperan recibir do intercambio son os voluntarios, sempre se transmiten coñecementos en ambos sentidos. Os wwoofers poden ir sos, en pequenos grupos, en parella e acompañados de nenos.

Seguir lendo artigo na revista OPCIONS : http://opcions.org/es/consumo/wwoofing-vacaciones/

 

cartazferiaesocial

 

Máis dunha veintena de proxectos  participarán na FEIRA DE ECONOMÍA SOCIAL  os días 29 e 30 de setembro no Campo da Leña (Praza de España).

A partir do venres 29 de setembro ás 17 h. a Feira estará aberta e contará con distintos espazos:

  • Ágora : espazo informativo, con actividades divulgativas e profesionais
  • Entidades expositoras nos sectores : Cultura – Servizos – Alimentación – Construcción – Consumo –  Asociacións solidarias
  • Charlas sobre cooperativismo, comercio xusto, consumo responsable, economía social, cláusulas sociais…
  • Documentais
  • Actuacións lúdicas
  • Espazo infantil : xogos, modelaxe, elaboración de queixos, moda sostible…

Pódese consultar o programa na seguinte ligazón: Programa Feira Social

 

asambleaxeral2017

ZOCAMIÑOCA convoca a asemblea xeral ordinaria deste ano o venres 30 de xuño de 2017 ás 18:30h en primeira convocatoria e ás 19:00h en segunda. O lugar de celebración será o noso local da Avenida da Concordia, 199 baixo.

 
A orde do dia será a seguinte:
 
1. Presentación de datos económicos e Aprobación de Contas de 2016.
2. Rogos e preguntas.
 
Contamos coa vosa presenza. A cooperativa a facemos entre todas.
 
zocarede

Rede Galega de consumo responsábel