O grupo promotor da cooperativa elaborou un dossier sobre todo o proceso constitutivo de Zocamiñoca.Da idea á práctica.

É un dossier que pode resultar moi interesante tanto ás persoas interesadas en coñecer, máis polo miúdo, a historia de Zocamiñoca, como a todas aquelas persoas e grupos interesados nas posibilidades dun "deseño consciente" nos proxectos sociais, tanto no eido do consumo consciente como en calquera outro ámbito. O obxectivo do dossier non é "dar receitas" sobre como facer as cousas ou copiar experiencias sen adaptalas a cada contexto específico, senón aportar ideas e cuestións prácticas que serviron no caso de Zocamiñoca e poderían servir ou inspirar dalgún xeito outras iniciativas, proxectos, grupos...

 

É por iso que compartimos aquí o traballo, con enlace á visión previa do dossier e opción de descarga:

dossier "Proceso constituínte de Zocamiñoca" (GALEGO)

dossier "Proceso constituyente de Zocamiñoca" (CASTELLANO)

En referencia ao produto fresco, actualmente nos suministran sete produtoras cercanas de vexetais frescos, nun radio máximo de 50 kilómetros á cidade, e unha produtora máis que se atopa a uns 100 kilómetros. Unha destas produtoras tamén nos sumistra ovos e queixo fresco. En canto á froita, ademáis dalgunha froita que puntualmente nos ofrecen as produtoras de vexetais, temos un par de produtoras de mazás no entrono próximo, e estamos entrando en contacto con produtoras máis lonxanas para garantir o suministro futuro de froita cunha maior variedade.

Tamén estamos traballando con dúas produtoras de pan, unha na cidade da Coruña e outra de Santiago de Compostela, e recentemente empezouse a traballar cunha produción de lácteos (leite, queixos e iogur).

No referente a outros produtos, estamos realizando un traballo de investigación que nos permita chegar á produtora ou fabricante directamente, para así poder coñecer de primeira man as orixes do produto e o proceso de produción (en caso de que sexa transformado). Conforme esta investigación avance, pouco a pouco iremos incorporando produtos a disposición das socias.

 

Mapa de produtoras

Calendario de Actividades

Rede Galega de consumo responsábel