logozoca

Esta semana chegamos aos 500 pedidos. Unha cifra redonda e moi significativa. Son 500 semanas nas que consumimos produto local, de agricultoras responsables, ás que se lle pagan uns prezos dignos pola súa colleita.

500 semanas nas que recollemos envases que se reutilizan para traer novo produto a Zocamiñoca, na que minimizamos os plásticos traendo as nosas propias bolsas e, en último caso, utilizando bolsas de papel para levar o granel.

500 semanas funcionando un proxecto que é de todas e do que todas nos facemos responsables, desde participar nos grupos de traballo, facer visitas a produtoras, axudar a que o local estea ben organizado ou axudar a que mellore o servizo e o trato entre produtoras e socias informando das posibles melloras e colaborando para levalas a cabo.

E, sobre todo, 500 semanas de alegría e felicidade de compartir tempo e espazo con tanta boa xente, da que aprendemos día a día e coa que compartimos tan bos momentos. Noraboa zocamiñoqueiras!!! Cumprimos 500 semanas!!! E isto non remata aquí, estamos no noso 10 aniversario, á volta de verán celebrarémolo ao grande!!! Por outras 500 semanas máis, por outros 10 anos en pé deste proxecto tan bonito e necesario. Parabéns!!!

Convocamos a seguinte xuntanza da cooperativa o

cartazoque6xullosábado 6 de Xullo de 11h a 13 h no local de zocamiñoca

 ORDE DO DIA

 

11:10h Benvida e presentación da axenda. Punto informativo, Olga, 10'

11:20h Reactivación da coordinadora. Punto de debate, Maru, 45'

 

12:05h Café!, 15'



12:20h Medidas económicas. Punto informativo, Grupo Económicas, 20'

12:40h Festa aniversario, Punto de debate, 20'

12:55h Varios informativos: Grupo de produtoras, Final actividade becaria socioloxía, 15'

13:05h Peche: revisión de acordos e próximo Zoquelarre, Olga, 10'

 
! a cooperativa somos e a facemos entre todas !!

 

arenteirosenda

 

O sábado 8 e domingo 9 de Xuño pasaremos, aquelas que queiran, unha fin de semana polo Ribeiro do río Arenteiro (Comarca do Carballiño), no que faremos un roteiro polas vellas Terras de Orcellón, coñeceremos algúns destes camiños de arrieiros, con multitude de atractivos naturais e patrimoniais (paisaxes, montes, árbores, cultivos, ríos, cruceiros, pontes, casas e pazos, igrexas, fontes, castelos, penedos, fábricas de papel, castros, etc), así como unha longa visita a un gran xacemento arqueolóxico, nestes territorios dominados polo Miño e os seus afluentes.

Este ano non faremos visitas a produtoras.

Apuntarse no seguinte formulario onde está detallada a información completa da ruta :

  https://forms.gle/732dMbUvpiqc32kV7

 

Coma sempre, iremos nos nosos vehículos, que compartiremos.

 

A saída será ás 8,30 da mañá dende diante do local de Zoca

Durmiremos na Residencia de Tempo Libre do Carballiño, en habitacións de 2 a 6 persoas, onde faremos a cea ovo-lacto-vexetariana, o almorzo, e incluirá o xantar pic-nic do domingo.

Prezo por persoa no albergue: 28 € (14 € as menores de 12 anos), que inclúe durmir na Residencia de Tempo Libre do Carballiño, cea, almorzo, e xantar do domingo. A maiores calculade 5-7 € por persoa dependendo das visitas que fagamos.

 

¡¡Poderán ir persoas amigas de fora de Zocamiñoca!!

 

 

 

 

Rede Galega de consumo responsábel